الإمام الصادق المهدي يزور قبة الإمام المهدي عليه السلام

 

 

 

 

زيارة القبة العاجبة النظر

زار الحبيب الإمام الصادق المهدي حفظه الله ورعاه زعيم حزب الأمة القومي وإمام أنصار الله ورئيس الوزراء الشرعي والمنتخب للسودان، زار قبة الإمام المهدي عليه السلام في أمدرمان

*******

من أشعار عبدالله محمد زين

انا امدرمان انا السودان
انا الدر البزبن بلدي
وانا البرعاك سلام وامان
انا البفداك يا ولدي
انا امدرمان لسان حالك واريتك
تدري بحالي
انا القدرت احوالك
وحبك بدري اوحي لي
اقوم باعظم الادوار
واكون الساحة للثوار
وابقي البقعة للاحرار وامثل عزة السودان
انا امدرمان سليلة السيل
قسمت الليل وبنت صباح
انا الولدوني بالتهليل
وهلت فوقي غابة رماح
انا الطابية المقابلة النيل
وانا العافية البشد الحيل
انا القبة البتضوي الليل
هدت للناس
سلام وامان
انا امدرمان نصرت الدين
وكنت فداية للاسلام
وروحو حولي ناس صادقين
فناهم في حياتي غرام
وزانو المبدأ والفكرة
وخلدو اعظم الذكري
ودخلو المدرسة الكُبري ونالوا شهادة الايمان
انا امدرمان انا الامة
وصوت الامة واحساسه
انا التاسئسه بي تم
وانا اللميت شتات ناسا
مزجت شمالا بجنوبا
وسكبت شروقا في غروبه
وزرعت الطيبة في دروبا
وطابت عزة للاوطان
انا امدرمان سقاني النيل
رحيف العزة من كاسو
انا البمجدو كنت دليل
واية وحدة لناسو
انا الفي الشاطئ
الغربي
سقوط غردون مهر حربي
انا النيل الطلب قربي ومزج بين
كافة الالوان
انا امدرمان انا الواحة وري البسقي والعطشان
بروقي تضوي لواحة وتهدي الساري والضهبان
وردوا وشدوا فوقي الناس
ونادوا بقية الاجناس
وللتعمير بقيت مقياس
للتقدير بقيت ميزان
انا امدرمان مهيرة الميس
اصيلة ومرسوني رجال
قلادتي القدرة والتقديس
وارادتي تسابق الاجال
اجلب فوق ربوع داري
ونفس تنافس اقداري
اريتم مسداري ويخلو زمامي للفرسان
انا امدرمان دا ميلادي
وتيلادي البشيل اسمي
انا القدمت اولادي
شرافة وسيف علي وسمي
وكنت القوة والحولة
وحزت وفزت بالجولة
وكنت الراية والدولة
وفي التاريخ
بقيت عنوان
انا امدرمان